Presioni i lartë i gjakut është një çrregullim potencialisht vdekjeprurës.
Kjo do të thotë se zemra e juaj duhet të punojë më shumë se zakonisht për të pompuar gjakun rreth trupit tuaj, shkruan Express.co.uk.
Thënë kështu, kjo ushtron presion shtesë në zemër tek enët e gjakut dhe tek organet e tjera.
Nëse nuk trajtohet, mund të ketë pasoja të rënda, pasi presioni i lartë i gjakut mund të jetë përgjegjës për urgjencat mjekësore si goditjet në tru dhe sulmet në zemër.
Ashtu si shumë çrregullime të tjera, presioni i lartë i gjakut – i njohur gjithashtu si hipertensioni – mund të shkaktohet nga shumë faktorë të stilit të jetesës, megjithëse mund të jetë gjithashtu gjenetik dhe i lidhur me moshën tuaj.
Dieta është një faktor i tillë, ku ngrënia e tepërt e kripës është një nga shkaqet kryesore të presionit të lartë të gjakut.
Fatmirësisht dieta juaj mund të ndihmojë gjithashtu në uljen e presionit të gjakut, ka treguar hulumtimi.
Dhe sipas një studimi, një gotë në ditë me një pije të kuqe specifike mund ta bëjë këtë gjithashtu.
Shkencëtarët nga Universiteti Queen Mary i Londrës zbuluan se pirja e lëngut të panxharit çdo ditë kishte një efekt të rëndësishëm në presionin e gjakut.
Më konkretisht, ata zbuluan se një gotë 250 ml lëng panxhari rezultoi në një ulje mesatare të presionit të gjakut me rreth 8/4 mmHg.
Brenda kontekstit të studimit, i cili u botua në revistën Hypertension, kjo do të thoshte se shumë nga pjesëmarrësit e studimit i panë nivelet e presionit të gjakut përsëri në një interval të sigurt.
