Kapiteni i Grasshoppers Zurich, Amir Abrashi, është lënduar sërish vetëm pak kohë pasi u rikthye nga lëndimi që e la gjatë jashtë fushave.
35-vjeçari është lënduar në kofshë gjatë stërvitjes dhe do të mungojë deri në fund të fazës së parë të kampionatit. Një humbje e madhe për Grasshoppers, pikërisht në një moment ngritjeje pas fitores në derbin e qytetit.
Sipas informacioneve të Blick, kapiteni i GC-së, Abrashi, sapo ishte rikuperuar nga një pauzë prej dhjetë javësh për shkak të lëndimit dhe u rikthye në fushë për herë të parë që nga fundi i korrikut, pikërisht në derbin e Zurichut.
Për trajnerin Gerald Scheiblehner, mungesa e kapitenit të tij përbën një goditje të rëndë. Abrashi është një figurë kyçe për ekipin, një model për lojtarët e rinj dhe një person me të cilin identifikohet klubi.
