Një zjarrfikës ka pësuar lëndime gjatë tentimit për shuarjen e zjarrit, i cili është ndezur qëllimshëm nga persona ende të panjohur në fshatin Zatriq të Rahovecit.
Zjarrfikësi është duke u trajtuar në Spitalin e Gjakovës.
Ndërsa, Policia e Kosovës thotë se vlera e dëmit të shkaktuar ende nuk dihet.
Në raportin 24-orësh bëhet e ditur se rasti është duke u hetuar.
Njoftimi nga Policia e Kosovës:
Raportohet se nga persona të pa njohur i është vënë zjarri pyllit të fshatit. Zjarrfikësit kanë shuar zjarrin. Gjatë tentimit për shuarjen e zjarrit, një zjarrfikës ka pësuar lëndime dhe është duke u trajtuar në Spitalin e Gjakovës. Nuk dihet vlera e dëmit të shkaktuar. Rasti është duke u hetuar./teve1.info/
