Një person ka pësuar djegie të shkallës së parë, si pasojë e zjarrit që ka shpërthyer në shtëpinë e tij, mbrëmë në fshatin Busavatë të Kamenicës.
Viktima është duke marrë trajtim mjekësor në Qendrën Klinike Universitare të Kosovës (QKUK).
Ndërkohë, zjarri dyshohet se ka shpërthyer kur motra e viktimës e ka ndezur kaminin dhe aksidentalisht është përfshirë dhoma e shtëpisë.
Në raportin ditor të Policisë së Kosovës është bërë e ditur se përveç njësive policore rastit i është përgjigjur edhe ekipi i zjarrfikësve.
“Në konsultim me prokurorin është iniciuar rasti dhe mbetet në hetime”, thuhet në njoftim./teve1.info/
