Një person ka pësuar lëndime trupore nga një aksident të ndodhur mëngjesin e së premtes në rrugën Prishtinë-Fushë-Kosovë, raporton teve1.info
Lajmin për teve1.info konfirmoi zëdhënësja e Policisë për Rajonin e Prishtinës, Flora Ahmeti.
Sipas saj, aksidenti ka ndodhur në orën 9:20 minuta dhe kanë qenë të përfshira dy vetura.
Sipas Ahmetit, me rastin po merret njësiti i trafikut.
“Rreth orës 09:20 kemi pranuar informatën se në rrugën Prishtinë – Fushë Kosovë, ka ndodhur një aksident trafiku ku kanë qenë të përfshira dy automjete. Si pasojë e aksidentit lëndime trupore ka pësuar një person. Me rastin po merret njësiti i trafikut”, ka deklaruar Ahmeti.