Një i mitur ka mbetur i lënduar si pasojë e shpërthimit të dy bombolave të gazit në Skenderaj.
Sipas njoftimit të Policisë, një person i dyshuar kishte ndezur një zjarr, i cili më pas ka shkaktuar shpërthimin e bombolave.
Si pasojë e këtij incidenti, i mituri ka pësuar lëndime trupore dhe është dërguar për trajtim në QKUK, ndërsa pas marrjes së ndihmës mjekësore është liruar në shtëpi.
I dyshuari është intervistuar nga organet e rendit dhe me vendim të prokurorit, rasti po trajtohet në procedurë të rregullt.
“Raportohet se i dyshuari m/k kishte ndezur një zjarr dhe nga zjarri kanë eksploduar dy bombola gazi. Si pasoj e shpërthimit një i mitur m/k ka pësuar lëndime trupore. Viktima është dërguar në QKUK dhe pas tretmanit është liruar në shtëpi. Me vendim të prokurorit pas intervistimit rasti vazhdon në procedurë të rregullt”, thuhet në njoftim. /teve1.info/
