Një ngasës i motoçikletës ka pësuar lëndime trupore dhe është dërguar për tretman mjekësor, pasi është aksidentuar me një veturë në Prishtinë, raporton teve1.info
Zëdhënësja e Policisë për Rajonin e Prishtinës, Flora Ahmeti, tha për teve1.info se aksidenti ka ndodhur në rrugën “Tirana” në kryeqytet, ndërsa me rastin po merret njësiti i trafikut.
“Sot rreth orës 12:00 ne rrugën “Tirana” në Prishtinë, ka ndodhur një aksident trafiku në mes të një automjeti dhe një motoçiklete.
Si pasojë e aksidentit një person (ngasësi i motoçikletës),ka pësuar lëndime trupore.
I njëjti është dërguar për tretman mjekësor.
Me rastin po merret njësiti i trafikut”, ka thënë Ahmeti.