Tre persona kanë mbetur të lënduar si pasojë e një aksidenti që ka ndodhur mbrëmjen e sotme në magjistralen Pejë – Prishtinë, konkretisht në fshatin Gllaviqicë.
Të tre të lënduarit janë dërguar për trajtim mjekësor në Spitalin e Pejës, ku nga mjekët është konstatuar se lëndimet nuk janë serioze.
Kështu bëri të ditur për teve1.info zëdhënësi i Policisë së Kosovës për rajonin e Pejës, Fadil Gashi, i cili bëri të ditur se në aksident kanë qenë të përfshira një veturë dhe një kamion.
“Rreth orës 19:05 policia është njoftuar për një aksident trafiku në magjistralen Pejë-Prishtinë, fshatin Gllaviqicë. Në aksident kanë qenë të përfshirë një kamion dhe një veturë, tre persona kanë pësuar lëndime dhe janë dërguar për trajtim mjekësor në Spitalin e Pejës. Lëndimet nuk janë serioze”, ka thënë Gashi./teve1.info/
