Kombëtarja e Anglisë ka edhe një brengë tjetër para ndeshjes kundër Zvicrës që e luan të shtunën në kuadër të fazës çerekfinale të “Euro 2024”.
Pas mungesës së mbrojtësit Marc Guehi shkaku i lëndimit, Anglisë pritet t’i mungoj edhe një lojtar tjetër i repartit të mbrojtjes.
Bëhet fjalë për mbrojtësin e krahut, Kieran Trippier që pësoi lëndim në fitoren e Anglisë 2:1 kundër Sllovakisë pas vazhdimeve.
Shkaku i lëndimit, Trippier u detyrua të zëvendësohet në fillim të pjesës së dytë dhe mbetet të shihet nëse do të rikuperohet para duelit me Zvicrën.
Trippier ka qenë i pazëvendësueshëm tek Anglia në krahun e majtë të mbrojtjes dhe trajneri Gareth Southgate tashmë ka gjetur zëvendësimin e tij.
Southgate pritet ta aktivizoj Luke Shawin, i cili ende nuk e ka bërë asnjë paraqitje në Evropian por që është rikuperuar nga lëndimi dhe është i gatshëm për lojë. Ndeshja Angli – Zvicër, luhet në Dusseldorf të shtunën prej orës 18:00.
