Deputeti nga radhët e Aleancës për Ardhmërinë e Kosovës, Pal Lekaj, ka thënë se kërkesat e politikës së Beogradit nuk do të ndalen dhe çdo herë kërkojnë stabilizim të rajonit.
Lekaj, tha se qëndrimi amerikan karshi Asociacionit ka qenë çdo herë në frymën e Kushtetueses së Kosovës.
“Kërkesat e politikës të Beogradit nuk do të ndalen, një regjim që çdo herë tenton të ketë stabilizim të rajonit e sidomos tash me luftën në Ukrainë. Qëndrimi amerikan ka thënë se çdoherë Asociacion po, por në kuadër të Kushtetutës së Republikës së Kosovës”, tha ai në edicionin special në Tëvë1.
Sipas Lekajt, Qeveria e Kosovës për situatën në veri nuk ka qenë e përkushtuar.
“Ne asnjëherë, as si qytetar i Kosovës, as si deputet, as si nënkryetari i partisë, kurrë nuk kisha me përkrahë një Asociacion me kompetenca ekzekutive, të jemi të qartë. Mirëpo, a i ka dhënë rëndësi kjo qeveri menaxhimit të situatës në veri, mendoj që nuk ka qenë e përkushtuar që të mos vijmë deri te kjo situatë”, shtoi ai.
Situata në veri është tensionuar që nga mesdita e sotme, si shenjë pakënaqësie nga serbët lokal pas betimit që kanë bërë dje kryetarët e komunave në Leposaviq, Zubin Potok, dhe Zveçan. /teve1.info/
