Deputeti i Aleancës për Ardhmërinë e Kosovës, Pal Lekaj ka thënë se shteti i Kosovës meqë ka vendosur të organizojë zgjedhjet në veri duhet të sigurojë kushte për qytetarët që të votojnë lirshëm.
Ai ka thënë se AAK vlerëson se tash nuk është momenti ideal për organizimin e zgjedhjeve.
“Ne kemi thënë që nuk është momenti ideal, por tani meqë kanë vendos organet shtetërore ne ju them,i që niveli i sigurisë të jetë i duhur dhe të mbrohet çdo qytetarë në ditën e zgjedhje që të dalin dhe të votojnë lirshëm”, ka thënë ai në emisionin “Këndi i Debatit” në Tëvë 1.
Lekaj ka thënë se Serbia do të përpiqet për me dështua këtë proces.
“Por ne jemi dëshmitarë që Serbia ka me tentua që të krijojnë pasiguri, kanë me vepruar që të dështojnë zgjedhjet sepse u pa që Serbia edhe në marrëveshjet e Ohëri i theu premtimet. Nëse dikush është internuar që të ketë kaos në ditën e zgjedhjeve është Serbia, por ne nuk guxojmë që të rrëshqasim në ujërat e trubëllta të politikës serbe kundër Kosovës. Ditën e diel shteti duhet të veprojë me krejt forcat demokratike që ti mbrojë qytetarët e vet”, ka thënë Lekaj.
Zgjedhjet në katër komunat veriore do të mbahen më 23 prill.
