Nënkryetari i AAK-së, Pal Lekaj sot gjatë vizitës së tij në Gjakovë ka takuar një grup qytetarësh ku kanë shprehur shqetësimin e madh për shtrenjtimin e çmimit të bukës.
Lekaj ka thënë se një produkt bazik i cili duhet të jetë i përballueshëm për çdo familje, po bëhet gjithnjë i paarritshëm.
Madje, ai ka thënë se kjo situatë është e papranueshme.
“Shtrenjtimi i Bukës – Alarm për Qytetarët e Gjakovës Sot, gjatë një vizite në Gjakovë, një grup qytetarësh më shprehën shqetësimin e madh për shtrenjtimin e çmimit të bukës. Një produkt bazik, që duhet të jetë i përballueshëm për çdo familje, po bëhet gjithnjë e më i paarritshëm. Në vend se të ndërmerren masa për të ndihmuar qytetarët në këtë krizë të përditshme, shohim neglizhencë dhe mungesë të theksuar të kujdesit institucional. Kjo situatë është e papranueshme!”, ka shkruar tutje Lekaj në Facebook./teve1.info/
