Por meqenëse avokati i mbrojtjes i të akuzuarit, Pal Lekaj, Musa Damati kërkoi që të shtyhet seanca pasi nuk janë të pajisur më aktakuzën dhe po ashtu mbrojtësit e të akuzuarve të tjerë nuk janë pajisur me disa shkresa atëherë gjyqtarja e rastit, Violeta Namani mori aktvendim që seanca të ndërpritet deri në orën 11:20 për tu dorëzuar aktakuza e të akuzuarit, Pal Lekaj.
Pal Lekaj konsideroi se kjo aktakuzë është voluminoze dhe i duhet kohë për ta lexuar.
Kërkesën për shtyrje të seancës e kundërshtoi Prokurori i rastit, Valdet Gashi pasi u shpreh se me shkresat e lëndëve janë pajisur të gjithë të akuzuarit përfshirë edhe avokatin Ariant Koci, i cili ka qenë avokat i mbrojtjes i Pal Lekajt.
Prokuroria Speciale, më 4 shkurt 2021, ka ngritur aktakuzë për Pal Lekaj dhe të tjerët, sipas së cilës palët janë përfshirë në aferën korruptive kur ishte vendosur për ndarjen e 53 milionë e 100 mijë eurove në emër të vazhdimit të punimeve në autostradën “Arbën Xhaferi” që lidh kryeqytetin me Hanin e Elezit./ksp
