Armando Broja mund të bëjë një lëvizje befasuese në orët e fundit të afatit kalimtar të verës.
Pasi i dështoi kalimi te Ipswich Town, Broja ka gjasa reale t’i bashkohet Leicester Cityt, skuadër kjo e rikthyer këtë sezon në Premier League.
Bëhet e ditur se Leicesteri tashmë ka nisur negociatat me Chelsean për huazimin e Brojës me detyrim të blerjes së tij pas një viti.
Kjo lëvizje ka gjasa të mëdha të realizohet duke pasur parasysh se trajneri aktual i Chelseat, Enzo Maresca u largua nga Leicesteri për të marrë drejtimin e ekipit nga Londra.
Broja nuk bën pjesë në planet e Marsecas dhe për këtë arsye do të largohet nga Chelsea, ekip me të cilin ka kontratë deri në vitin 2028.
Në rast se i bashkohet Leicesterit, atëherë ky do të jetë huazimi i katërt i Brojës, i cili ka qenë i huazuar edhe tek Fulhami, Southamptoni e Vitesse.
