Tony Adams, ish-kapiteni legjendar i Arsenalit për 14 sezone, deklaron për gazetën “The Sun” se “arroganca dhe mosrespekti mund t’i kushtojnë Pep Guardiolës ndeshjen kundër Arsenalit dhe titullin e Premier League-s”.
Sipas ish-futbollistit, “nëse Pep Guardiola nuk i jep Arsenalit respektin që meriton, Bukayo Saka do ta shkatërrojë Manchester City-n e tij”.
“Nuk e kam idenë se çfarë po përpiqet të bëjë Pep me mbrojtjen e tij këtë sezon. Duket sikur po përpiqet të heqë dorë titullin”.
Këshilla që Adams i jep Guardiolës është: “Ndalo Sakanë, të ndalosh Arsenalin. Është kaq e thjeshtë”.
Tony Adams argumenton se “Guardiola ka fuqi për t’i mposhtur të gjithë, por ka ndodhur disa herë këtë sezon ku ai është përpjekur të jetë i zgjuar me taktikat e tij dhe ka rezultuar e kundërta”.
Manchester City dhe Arsenali përballen sonte me njëri-tjetrin në një ndeshje kyçe për luftën për titullin e Premier League-s.
Arsenali ka 51 pikë dhe një ndeshje më pak, ndërsa Manchester City vjen menjëherë më pas me 48 pikë.
