Mbrojtësi i Kombëtares së Shqipërisë, Elseid Hysaj pritet që gjatë këtij muaji të largohet nga Lazio për t’u transferuar te skuadra e Lecces.
Mediumet italiane, kanë raportuar të mërkurën se Lecce dhe Lazio tashmë kanë arritur marrëveshje në parim për Hysajn, por vetëm po diskutojnë detajet e pagës së futbollistit.
Lecce do ta huazoj Hysajn për gjashtë muaj, por ka kërkuar nga Lazio të mbuloj gjysmën e pagës së tij, duke pasur parasysh se 30-vjeçari merr 2.8 milionë euro në vit.
Hysaj është i gatshëm t’i bashkohet Lecces, pasi nuk bën pjesë në planet e Lazios, ekip me të cilin ka kontratë deri në vitin 2026.
Këtë sezon, Hysaj ka regjistruar vetëm tri paraqitje për Lazion apo 99-të minuta lojë në të gjitha garat.
