LeBron James i dhuron fitoren ekipit të Lakers, ndaj Golden State Warriors, në sfidën më të shumë pritur të të enjtes në mbrëmje. Në pritje të debutimit tek kalifornianët të “yllit” slloven Luka Donçiç, skena ishte e gjitha për “mbretin” James që realizoj 42 pikë, duke hyrë në histori, pasi ai dhe Michael Jordan janë të vetmit basketbollistë tashmë që kanë shënuar mbi 40 pikë gjatë një ndeshje, kur kanë mbushur 40 vjeç.
“Mbreti” James ishte i papërmbajtshëm, teksa arriti të bënte diferencën edhe falë 17 rebaundeve dhe 8 asist të dhëna. Ndërkohë 37 pikët e realizuara nga Steph Curry nuk mjaftuan për Golden State që dolën të mundur nga kjo përballje.
