Learta Hollaj është emëruar zëvendësshefe e stafit të presidentes Vjosa Osmani, ka njoftuar presidenca.
Ajo në këtë pozitë zëvendëson Artan Muratin, i cili sipas njoftimit do të vijojë angazhimin në rrugëtimin e tij profesional.
Hollaj fillimisht ka qenë e angazhuar se këshilltare këshilltare kryesore për zhvillim të qëndrueshëm dhe partneritet.
“Ajo ka mbuluar portfolion e energjisë, politikave mjedisore e zhvillimore, politikën e jashtme, si dhe projekteve e iniciativave në fushën e barazisë gjinore duke promovuar vazhdimisht partneritetin dhe bashkëpunimin me akterë relevant në fushat përkatëse. Znj. Learta Hollaj ka udhëhequr organizimin e edicionit të parë të Forumit ndërkombëtar për Gratë, Paqën dhe Sigurinë, ndërsa aktualisht poashtu udhëheq punën në një prej tri shtyllave të zotimeve në kuadër të Samitit për Demokraci e cila fokusohet në avancimin i të drejtave të njeriut përmes promovimit të diversitetit dhe gjithëpërfshirjes”, thuhet në njoftimin e presidencës.
Tutje presidenca ka falënderuar Artan Muratin për angazhimin e deritashëm.
“Presidentja Osmani ka falënderuar z. Artan Murati për punën e tij të palodhshme dhe kontributin profesional në Kabinet përgjatë shërbimit të tij në këtë pozitë, ndërkaq i ka uruar sukses në rrugëtimin e tij të ardhshëm profesional”, thuhet në njoftim.
