Futbollisti i ri i klubit zviceran Servette, Leart Zuka, po kërkohet nga skuadra tjetër e ligë elite në Zvicër, Grasshopper Zurich.
19-vjeçari erdhi nga ekipi i të rinjve te skuadra nga Gjeneva, dhe ende nuk ka luajtur për ekipin e parë, pavarësisht se është ftuar dy herë në ekipin e seniorëve te Servette. Deri më tani ai nuk ka marrë kontratë për vazhdimin e kontratës dhe këtë po mundohet ta shfrytëzojë klubi nga Zurichu.
Mbrojtësi i kombëtares U 21 të Shqipërisë, ka luajtur tashmë në 54 ndeshje, dhe debutimi i tij në futbollin profesionist pritet të jetë vetëm një çështje kohe.
Megjithatë, ai ka kontratë në Gjenevë vetëm deri në verë, dhe sipas revistës Corner Magazine, përveç klubit Grasshopper interesim për mbrojtësin kanë shprehur edhe ekipe nga kategoria e dytë e futbollit zviceran.
Nga Servette, megjithatë, duket se nuk ka shumë interes për ta lënë të largohet një talent i tillë.
