Në një konferencë për media deputetja e LDK-së, Hykmete Bajrami ka deklaruar se është e paprecedent që të ketë reduktime në gusht, teksa shtoi se në disa zona nuk po respektohet orari i reduktimeve 6 me 2.
“Në fakt është e paprecedent të kemi reduktime në gusht 6 me 2 sidomos në zonat rurale janë shumë më të mëdha këto janë sinjale që po krijojnë një pasiguri”, tha ajo.
Tutje, ajo shpalosi pikat e këtij propozimi për të përballuar krizën energjetike:
– Riparimi i Bllokut A5 i Termocentralit Kosova A
– Krijimi i mekanizmave për furnizim me burime alternative për ngrohje me çmime të përballueshme për qytetarët
– Përgatitja e planit të efiçiencës dhe kursimit të energjisë
– Negociimi i kontratave afatgjate për furnizim me energji
– Zbritja e TVSH-së nga 8 përqind në 0 përqind për faturat e energjisë
– Largimi i tarifave diskrimunuese të ZRRE-së
– Themelimi i Bursës së përbashkët për energji Kosovë-Shqipëri
– Përgatitja e strategjisë afatmesme për rritjen e kapaciteteve gjeneruese me gaz dhe energji alternative
– Pako e re e subvencionimit energjetik për qytetarët
– Koordinimi më i mirë shtetëror me vendet e rajonit
