Lidhja Demokratike e Kosovës ka njoftuar se janë sulmuar llogaritë zyrtare të Instagramit të kryetarit Lumir Abdixhiku, nënkryetares Daorsa Kica Xhelili si dhe llogaritë e disa kandidatëve për deputetë.
Sipas LDK-së këto llogari janë shënjestruar në një sulm të koordinuar që për qëllim siç thuhet e kanë dëmtimin e lirisë së shprehjes dhe ndërprerjen e procesit demokratik në prag të zgjedhjeve të ardhshme.
Po ashtu në komunikatë bëhet e ditur se LDK-ja do të ndërmarrë të gjitha veprimet e nevojshme ligjore për të zbuluar përgjegjësit dhe për të mbrojtur lirinë e shprehjes dhe demokracinë.
