Lidhja Demokratike e Kosovës, ka thënë se kryeministri i Kosovës, Albin Kurti pas tri vjet e gjysmë qeverisje pa progres thelbësore e popullizëm, ka zgjedhur instrumentalizimin e opozitës si shpëtim idvidual.
E sipas LDK-së, Kurti ka gjetur aleatin.
“Pas tre vjet e gjysmë populizëm dhe pa ndonjë progres thelbësor, pas tre vjet e gjysmë polarizimi, ndarjeje shoqërore e nxitje të propagandës pa asnjë konsideratë njerëzore e politike, Kryeministri i Kosovës ka zgjedhur instrumentalizimin e opozitës si shpëtim individual nga dështimi i madh. Fatkeqësisht, në këtë instrumentalizim, ka gjetur aleatin. LDK-ja nuk e pranon këtë instrumentalizim në asnjë rrethanë, thuhet në komunikatën e LDK-së një ditë pas takimit të Kurtin me kryetarin e PDK-së, Memli Krasniqi, përcjell teve1.info.
LDK ka thënë se është e gatshme për zgjedhje dhe të marrë përgjegjësinë para sfidave, dhe kryeministri duhet të jap dorëheqje.
“Zgjidhja është fare e thjeshtë, dorëheqja e Kryeministrit dhe pastaj, si rrjedhojë, shpërbërja e Kuvendit. LDK-ja është e gatshme të kërkojë besim qytetar, e gatshme të marrë përgjegjësinë para sfidave, e gatshme të implementojë “Rrugën e Re” si program zhvillimor, të djathtë e euroatlantik. Për këtë, duhet dorëheqja e Kryeministrit, si rruga e duhur drejt shpërbërjes së Kuvendit dhe shkuarjes në zgjedhje të parakohshme. Dorëheqja, më pas shpërbërja dhe në fund data. Ky është rendi i gjërave. LDK-ja konsideron se, në këto ditë vendimtare, fokusi i institucioneve dhe i partive politike duhet të jetë te çështja e anëtarësimit të Kosovës në Këshillin e Evropës, proces të cilin, me papërgjegjshmërinë e tij, e ka rrezikuar rëndë vetë Kryeministri”, thuhet tutje në komunikatë.
LDK e AAK kishin refuzuar ftesën e kryeministrit të Kosovës për një darkë pune, ku thuhet se do të diskutohej për agjendën legjislative.
Pas takimit me kreun e PDK-së Memli Krasniqi, kryeministri Kurti tha para medieve se bisedoi për agjendën legjislative e situatën në përgjithësi.
Sa i përket shkuarjes në zgjedhje të parakohshme, Kurti tha se është i gatshëm ta dërgoj vendnin në zgjedhje, por se nuk dëshiron një gjë të tillë ta vendos vet.
Kreu i Partisë Demokratike të Kosovës (PDK), Memli Krasniqi në deklarimin e tij pas takimit që pati me kryeministrin, Albin Kurti ka thënë se ka kërkuar që përmes një mocioni të përbashkët të shpërndahet Kuvendi i Kosovës.
Ndërsa, deputeti Besnik Tahiri duke komentuar takimin e mbrëmshëm mes kryeministrit Albin Kurti dhe kryetarit të Partisë Demokratike të Kosovës (PDK), Memli Krasniqi, duke thënë se në atë takim nuk është diskutuar për agjendën legjislative
