Lidhja Demokratike e Kosovës (LDK) ka deklaruar se Komuna e Lipjanit, nën udhëheqjen e kryetarit Imri Ahmeti, ka ndërtuar më së shumti çerdhe në nivel vendi gjatë një mandati qeverisës.
Sipas njoftimit të LDK-së, vetëm gjatë këtij mandati janë ndërtuar katër çerdhe të reja në lokacionet: Qendra e Lipjanit, Rufc, Gadime dhe Sllovi.
“Lipjani nën udhëheqjen e kryetarit Imri Ahmeti, është komuna me më së shumti çerdhe të ndërtuara për një mandat, me buxhet të komunës. Me qëllimin kryesor, përmirësimin në qasjen dhe cilësinë e edukimit parashkollor”, thuhet në njoftim.
LDK e ka cilësuar arsimin si prioritet kryesor, duke shtuar se komunat që udhëhiqen nga kjo parti janë shembull për “punë të mira”.
