Lushaku-Sadriu ka kërkuar sqarim edhe ndaj zyrtarëve publikë në Kosovë të cilët sipas saj kishin garantuar dhe e kishin mbrojtur Berishajn për rastin e raportuar për korrupsion.
Kjo deklaratë e Lushaku-Sadriut vjen pas raportimit të medieve vendore se Agjencioni Anti-Korrupsion ka dorëzuar kallëzim penal në Prokurori me dyshimin e fshehjes së të hyrave prej gjysmë milion eurove.
“Shkarkimi i Ambasadorit Martin Berishaj domosdoshmëri
Agjensioni Anti-Korrupsion sot ka dorëzuar përfundimisht kallëzim penal ndaj ambasadorit të Kosovës në Kroaci, Martin Berishaj; mbi faktet shokuese të bëra publike muaj me parë. Kallëzimi penal është përfundim logjik ndaj një skandali të fshehjes së të hyrave prej gjysmë milioni.
Hapja e hetimeve, por edhe përfshirja e një ambasadori të Kosovës në skandale ndërkombëtare financiare, dëmtojnë rënd imazhin e vendit tonë, rrjedhimisht e bëjnë të pamundur përfaqësimin e shtetit.
Prandaj, deri në përfundimin e rastit në fjalë, kërkojmë shkarkimin e Abasadorit Martin Berishaj; siç dhe kërkojmë sqarimin e secilit zyrtar publik, që në fillet e shpërthimit të këtij skandali, kishin garantuar dhe marrë në mbrojtje ambasadorin në fjalë”, shkruan Lushaku-Sadriu.