Kryetari i Lidhjes Demokratike të Kosovës, Lumir Abdixhiku ka thënë se partia e tij ka thirrur Kuvendin e X-të Zgjedhor më 19 nëntor.
“Në cilësinë e Kryetarit të Lidhjes Demokratike të Kosovës, sipas kompetencave të përcaktuara me nenin 17 të Statutit të LDK-së, thërras Kuvendin X Zgjedhor të Lidhjes Demokratike të Kosovës me datë 19 nëntor 2023”, ka thënë ai në Facebook.
Tutje, ai ka shkruar se po të njëjtën ditë, në ngjarjen vijuese, do të publikohet edhe konventa programore “Rruga e Re”.
