Lidhja Demokratike e Kosovës e ka vlerësuar si alarmues raportin e Bankës Botërore i cili Kosovën e rendit të fundit në Ballkanin Perëndimor sa i përket të punësuarve.
Në një komunikatë për media thuhet se raporti konfirmon atë se çfarë ka thënë kjo parti se Qeveria Kurti nuk ka plan për zhvillim ekonomik.
“Ky raport është ri-konfirmim i asaj që ne si LDK e kemi potencuar vazhdimisht. Kjo Qeveri nuk ka plan për zhvillim ekonomik; por ka vetëm propagandë dhe keqqeverisje. Si rezultat i mungesës së vizionit dhe projekteve zhvillimore të kësaj qeverie, të rinjtë tonë po e braktisin vendin dhe largohen nga Kosova”, thuhet në komunikatë.
Në komunikatën e LDK-së thuhet se kjo parti “ka një plan të detajuar, si dhe ekip të duhur për ta zhvilluar ekonominë e vendit, për të krijuar vende të reja të punës, dhe për t’i ndalur trendet negative të kësaj qeverie, që po i shtyjnë kaq shumë të rinj e të reja ta lëshojnë vendin”.
Sipas raportit të Bankës Botërore vetëm 37 për qind e njerëzve në moshë pune janë të punësuar në Kosovë./teve1.info/
