Kroati Igor Tudor është trajner i ri i Lazios. Ekipi nga Serie A, e ka prezantuar Tudorin të hënën mbrëma.
Tudor në postin e trajnerit tek Lazio ka zëvendësuar italianin Maurizio Sarri, i cili ditë më parë dha dorëheqje.
Tekniku nga Kroacia me ekipin italian ka firmosur kontratë deri në verën e vitit 2025 dhe do të ketë pagë vjetore prej 2.5 milionë eurosh.
Tudor ka qenë i papunë prej vitit të shkuar, ndërsa Lazio aktualisht renditet në pozitën e nëntë në Serie A me 43 pikë të tubuara pas 29 javëve të zhvilluara.
