Drejtuesit e Lazios janë të shqetësuar për gjendjen e Elseid Hysajt, i cili mund të ketë pësuar lëndim të rëndë në duelin e së hënës kundër Cagliarit.
Hysaj, i cili së fundmi është përfshirë në ekip te Lazio ishte startues kundër Cagliarit, ndeshje kjo që u detyrua të largohet nga fusha në minutën e 62-të.
Ai pësoi lëndim të muskulit të këmbës së majtë kurse te Lazio po frikësohen se mund të bëhet fjalë për një dëmtim që mund ta mbajë gjatë jashtë fushës.
Hysaj asistoi në njërin prej dy golave të Lazios që e mposhti 2:1 Cagliarin kurse ditëve në vazhdim do ti nënshtrohet testeve mjekësore për të kuptuar shkallën e lëndimit.
31-vjeçari këtë sezon ka 6 paraqitje në Serie A, ku ka bërë edhe 2 asistime.
