Laura Fazliu arrin sukses, me një paraqitje të jashtëzakonshme ajo ka fituar medaljen e bronztë në Upper Austria Grand Prix 2025 që po mbahet në Linz të Austrisë.
Në xhiron e parë ajo ishte e lirë, në xhiron e dytë Laura mposhti Carlotta Avanzato nga Italia.
Në çerekfinale Laura mposhti me Ippon, Leila Mazouzi nga Slovenia.Kurse në gjysmëfinale humbi nga So Morichika nga Japonia.
Gjithsesi në ndeshjen vendimtare për të bronztë, Laura mposhti Joni Geilen nga Holanda.
Një ditë më parë suksesshëm u paraqit edhe Distria Krasniqi në Austri duke e fituar medaljen e argjendtë.
