Laura Fazliu nuk ia doli të fitojë medalje në Grand Slamin në Baku të Azerbajxhanit. Laura garoi të shtunën dhe u rendit e shtata në kategorinë deri 63 kg. Në repesazh pësoi nga portugezja Barbara Timo.
Portugezja fitoi me uazari, ndërsa Laura pati telashe për të shfaqur potencialin. Laura humbi edhe ndaj xhudistes së Austrisë, Lubjana Piovesana. Pësoi humbje me uazari në kohën shtesë. Laura ishte bartëse e parë në kategorinë deri 63 kg.
Në xhiron e parë Laura ishte e lirë, ndërsa në të dytën e mposhti brazilianen Tamires Crude. Akil Gjakova është ndalur në xhiron e parë në kategorinë deri 73 kg. E humbi pas gati dhjetë minutash luftën e fortë e të barabartë me sllovenin Martin Hojak. Akili pësoi dënimin e tretë.
Loriana Kuka garoi në kategorinë deri 70 kg. E mposhti fillimisht italianen Irene Pedrotti e më pas humbi nga kroatja Lara Cvjetko.
