Ai tutje ka thënë se Kosova mund ta humb seriozitetin ndërkombëtar me moszbatimin e kësaj marrëveshje. Ai tha se asociacioni nuk duhet të bëhet me kompetenca ekzekutive. Krejt çka i mbetet Kosovës, sipas tij, është që ta draftojë statutin e Asociacionit, mbi parimet që ka ndjekur Gjykata Kushtetuese.
“Mendimi im është që në kushtet kur ti e ke nënshkruar marrëveshjen dhe Gjykata Kushtetuese e ka gjetur me shkelje, atëherë ti nuk mund t’i biesh hasha gjithë marrëveshjes pasi që edhe gjykata nuk ka thënë që nuk duhet nënshkruar, gjykata ka thënë duhet të dërgohet në përshtatje me kushtetutën. Kosova ka marrë obligime ndërkombëtare dhe ti akoma je në proces të njohjes akoma dhe kur ti i shkel me të dy këmbët ato obligime ndërkombëtare që i kanë… nuk i ke bërë ti ato as unë por kryeministrat, presidenti, figurat më të larta të shtetit e kanë hedhur firmën dhe ti tërhiqesh atëherë tregon dobësi shumë të madhe si subjekt shtetëror”, theksoi Lauka.
Ndër të tjera lidhur me ketë çështje, Ish-ambasadori i Shqipërisë në Kosovë, Islam Lauka në Tëvë1 sonte theksoi se nëse Kosova nuk i përmbush me sukses obligimet ndërkombetare atëherë nuk mund t’ua mbush mendjen atyre se mund t’i zbatojë marrëveshjet më serioze më vonë.
“Kujt ia mbush mendjen që i merr përsipër dhe i zbaton marrëveshje më serioze më vonë? Kështu që ajo është çështje e pjekurisë shtetërore dhe nuk guxon Kosova pavarësisht se ka problematikat e veta por me kujdes duke punuar me statutin e këtyre, të asociacionit, duke bërë atë statut të imunizohet nga kompetencat ekzekutive që ata i kanë dëshirë edhe Vuçiqi edhe pala serbe këtë thotë që po nuk je me kompetenca ekzekutive ç’na duhet ai, por edhe ne nuk na duhet ai me kompetenca ekzekutive sepse është “minë me sahat” kundër shtetësisë së Kosovës”, tha Lauka në Tëvë1.
