Latifi përmes një postimi në Facebook, ka thënë se nuk duhet të befasohemi nëse sipas tij qysh nga nesër fillojnë incidentet e armatosura në veri, shkruan teve1.info.
Kjo pasi që sipas tij, bandat e përkrahura nga presidenti serb, Aleksander Vuçiq dhe nga ai rus, Vladimir Putin nuk do ta lënë pa shfrytëzuar vakuumin e krijuar nga mungesa e marrëveshjes.
Postimi i plotë i Latifit:
Në Bruksel s’qenka arritur marrëveshja për targat. Nuk duhet të befasohemi nëse qysh nga nesër fillojnë incidentet e armatosura në veri. Bandat paramilitare të Vuçiqit e Putinit nuk do ta lënë pa e shfrytëzuar vakumin e krijuar nga mungesa e marrëveshjes. Sulmet e para disa ditëve mbi policinë e Kosovës ishin vetëm një provë testuese e operativitetit të këtyre bandave.
Rroftë shteti i Kosovës!
Rrofshin djemtë trima të Policisë së Kosovës!
