Latifi tha se janë duke ndërtuar qendrën për magazinimin e prodhimeve bujqësore. Sipas tij, ky investim është 438 mijë euro.
“Për Komunën e Rahovecit, Bujqësia është prioritet dhe në qoftë se ne në vazhdimësi i kemi përkrahur fermerët dhe i kemi përkrahur direkt edhe në mekanizëm bujqësor, në trajtimin dhe mirëmbajtjen e rrugëve fushore, në rregullimin e shtretërve dhe lumenjve problematik”, ka deklaruar Latifi në emisionin “Info Nata” në Tëvë1.
Ai thotë se ky investim për fermerët është tërësisht i Komunës së Rahovecit.
“Ne kemi vazhduar t’i mbështesim edhe direkt në forma tjera fermerët, psh tash jemi duke ndërtuar qendrën për magazinimin e prodhimeve ose ruajtjen e prodhimeve bujqësore, ose depoja bujqësore. Investimi është 438 mijë euro, janë 7 njësi. Është investim tërsisht i Komunës”, theksoi Latifi. /Teve1.info/
