Në “Info Nata” në Tëvë 1, Latifi thotë se për këtë i ka shkruar edhe një kërkesë ministres së Drejtësisë, Albulena Haxhiu.
Sipas tij, në letrën që MD ia ka kthyer Komunës, ka qenë përpjekje për të mos marrë përgjigje konkrete.
“Sipas ligjit në fuqi për noterë Rahoveci duhet t’i ketë 5 ende nuk e ka asnjë. Unë po du me ju tregu që është një nga shkresat që i kemi drejtu Albulena Haxhiut, më 22 nëntor 2021 ka edhe një më herët nëse s’gaboj kah marsi i 2021-ës s’kemi marrë fare përgjigje për këtë”, tha ai.
Madje ai thotë se Ministria ka emëruar dy noterë në Prizren dhe gjithë fermerët e Rahovecit duhet shkuar atje për aplikim për pagesa direkte dhe subvencione, që tregon se njëri nga ta ka marrë pushim vjetor në “vlugun e punës”.
Tutje, kryetari thekson se si Komunë ata kanë biseduar edhe me akterë tjerë të cilët u kanë thënë se ka modalitete për zgjidhjen e kësaj çështjeje.
“Po të isha unë ministër do ta ushtroja kompetencën time, ne kemi biseduar me Gjyaktën kanë të drejtë të delegojnë, autorizojnë një gjyqtar që t’i kryejë veprimet noteriale, kanë të drejtë edhe ndonjë avokatë të licencuar me vendim qeverie që ta adresojnë këtë çështje, t’i japin zgjidhje përkohësisht sipas konkursit. Sigurisht që në bazë të përgjigjes nuk dijnë çka të bëjnë jo pse s’duan. Ne kemi biseduar me shumë akterë rreh tkësaj teme dhe ka modalitete. Një modalitet është që në bashkëpunim me Odën e Noterëve t’ju jepet një përgjegjësi shtesë sepse paguhen për shërbimet”, theksoi ai.
Po ashtu, ai kërkon edhe një kompetencë dhe se do ta zgjidhë përkohësisht këtë problematikë, me financimin e Komunës.
“Kërkojmë së paku një fije kompetencë le të ma japin mua zyrat i pajisim ne me kompjuterë dhe një asistent nëse s’kanë na u japim e paguan Komuna i plotësojnë dokumentat dhe shkojnë i japin vulat dhe kur vijnë fermerët sepse për lehtësira ne kemi hapur zyre për aplikime edhe në Krushë të Madhe dhe në Ratkoc sepse është komuna me numrin më të madh të bujqve, pra ne i krijojmë këto hapësira”, shtoi Latifi./teve1.info/
