Bëhet e ditur se pikë kryesore e diskutimit ishte thellimi i bashkëpunimit në fushën e shëndetësisë ndërmjet dy vendeve, me theks të veçantë tek edukimi, trajnimi dhe programet e shkëmbimit të profesionistëve shëndetësor.
“Ministri Latifi theksoi rëndësinë e zhvillimit profesional të stafit mjekësor për transformimin e sistemit shëndetësor të Kosovës dhe mbështetjen që shteti slloven mund të japë në këtë drejtim duke ofruar ekspertizë për avansimin e kuadrove tona mjekësore”, thuhet në njoftim.
Nga ana e saj ambasadorja Benedejçiq theksoi se do të ndihmojnë në zgjerimin e bashkëpunimit institucional ndërmjet dy vendeve në fushën e shëndetësisë dhe posaçërisht në ofrimin e trajnimeve të ndryshme për stafin mjekësor të Kosovës./teve1.info./
