Studiuesi i filozofisë politike Latif Mustafa, ka thënë se Lidhja Demokratike e Kosovës ka dhënë shenja që është drejtuar për një koalicion me Lëvizjen Vetëvendosje.
Ai ka thënë së këtë derë e ka hapur kryetari i Prishtinës, Përparim Rama i cili u shpreh i gatshëm për një bashkëpunim me LVV në kryeqytet.
Mustafa ka thënë se Abdixhikun e shpëton vetëm pushteti.
“Mu ma jep përshtypjen se këta disi janë drejtua nga LVV për një koalicion. Këtë deklaratë doli edhe Përparim Rama i cili e hapi derën dhe tha se është për një koalicion me LVV-në. Interesi shtetëror i LDK-së është në këtë pikë. E para ta ulë taktizimin që do të bëjnë me presidentin/en, ta ulë shtrirjen fuqishme të LVV-së që mund të ketë dhe e dyta në nivel lokal, nëse Përparim Rama do të jetë një storje suksesi, ndoshta do të ketë një shans. Abdixhikun e shpëton vetëm pushteti edhe të tjerët heshtin sepse kapin një copë të “tortës”, ka thënë ai në emisionin “Këndi i Debatit” në Tëvë1.
Ndërsa, njohësi i çështjeve politike, Selam Shkodra ka thënë se LDK-në nuk e rahaton as pushteti.
Ai ka kujtuar kohën kur LDK udhëhiqte Qeverinë me Isa Mustafën dhe kishte shumë figura që kundërshtonin.
“LDK është parti interesante, nuk e rehaton as pushteti. Edhe kur e kanë pasë kryeministrin ka pas figura “problematike” që kanë qenë kritikë edhe ndaj pushtetit të vet, madje kanë bërë rezistencë ndaj votimit edhe të ish- presidentit Thaçi dhe ka pasë në vazhdimësi përplase të brendshme”, tha Shkodra në emisionin “Këndi i Debatit” në Tëvë1.
Ai ka thënë se LDK ka pasur demokraci të brendshme, por më sa paku me Abdixhikun në krye të saj.
