Në vazhdën e largimeve te Drita, dy emrat që janë zyrtarizuar sot janë sulmuesi Marko Simonovski dhe anësori Almir Kryeziu.
Më herët gjilanasit përmes një postimi në Facebook, falënderuan sulmuesin maqedon për kontributin pasi kanë mbyllur tashmë bashkëpunimin. Simo i ishte bashkuar Dritës në sezonin 2021/22, ndërsa për këto dy vite arriti të paraqitet 70 herë me në të gjitha garat, duke shënuar 32 gola, teksa kishte asistuar 6 herë për shokët e skuadrës.
Në facebook largimin e bëri të ditur edhe Almir Kryeziu, i cili poashtu pas dy vitesh mbyll eksperiencën e tij me “Intelektualët”.
“Ju njoftoj qe sot pas dy vitesh te kaluara me FC Drita, i kam dhene fund bashkepunimit me kete klub.
Dua ta falenderoj klubin per bashkepunimin, gjithashtu trajneret dhe stafin e tyre, stafin mjekesor, ekonomet dhe gjithe atyre qe kane dhene kontribut per klubin.
Falenderim te veqante per tifozet “Intelektualet” qe i kane qendruar prane klubit ne cdo kohe.
Klubit i uroj suksese ne arritjen e synimeve te veta.”
Ishfutbollisti i Arbërisë, i cili vlerësohet në transfermarkt rreth 150 mijë euro, këtë edicion me bardhekaltërit është paraqitur 31 herë në Superligën e Kosovës dhe ka shënuar dyherë, duke i shtuar edhe 5 asistime.
