Analisti, Arton Demhasaj shtroi pyetje se pse nuk po ndërtohet një termocentral i ri i cili që do të pakësonte ndotjen e ambientit.
Por, opinionistja Alma Lama iu përgjigj duke thënë se kjo nuk është lejuar nga “mafia energjetike”.
“A vazhdojnë termocentralet të ndotin ambientin? Më mirë do të ishte të ndërtohej një më i ri, me filtra moderne. Ndërtimi i një termocentrali s’ka ndodhur se nuk e ka lejuar mafia energjetike, kjo është”, tha ajo.
Tutje, duke folur për projektet në fushën e energjetikës, Demhasaj thotë se shumica e tyre janë nisur për të dështuar në mënyrë që të përfitojnë persona të caktuar.
“Këtë po e them, qëllimisht janë dizajnu projektet me dështu dikush me përfitu qoftë me blerje të energjisë me kompani të ndryshme e pamë skandalin që dikush ka përfitu pra unë e thashë që këto janë nisur për me dështu”, shtoi ai./teve1.info/