Los Angeles Lakers kanë marrë një fitore të madhe në udhëtim te Phoenix Suns.
Skuadra nga Kalifornia është rikthyer te fitoret pas tre humbjeve të njëpasnjëshme, teksa ka triumfuar me tre pikë epërsi 119:122.
Vendasit gjatë gjithë ndeshjes kanë qenë në epërsi, madje deri në 14 pikë, por mysafirët në çerekun e fundit bën një paraqitje të madhe për të marrë fitoren.
LeBron James ishte fantastik në këtë duel me 32 pikë, 11 kërcime e gjashtë asistime, derisa shtoi edhe një top të vjedhur dhe një bllokadë.
Paraqitje të mirë pati edhe D’Angelo Russell me 19 pikë e nëntë asistime, derisa Anthony Davis shtoi 18 pikë e 11 kërcime.
Vendasve nuk i mjaftoi as paraqitja spektakolare e Kevin Durant i cili shënoi 38 pikë e pati 9 kërcime, por që nuk mjaftuan për fitore.
Kjo ishte fitorja e katërt e Lakers këtë edicion, teksa kanë edhe pesë disfata dhe me bilanc të njëjtë është edhe Phoenix Suns.
