Ndeshje e jashtëzakonshme u luajt të mërkurën pas mesnate në “Staples Center”, ku Los Angeles Lakers mposhtën Los Angeles Clippers pas kohës shtesë me rezultatin 130:125.
LeBron James, 38 vjeç, shkëlqeu me 35 pikë, 12 kërcime dhe shtatë asistime. Ndeshja u shënua nga një situatë e pazakontë në çerekun e dytë.
Në një moment James hoqi këpucët teksa aksioni i Lakers po zhvillohej, arriti t’i veshë ato, vrapoi në anën tjetër dhe u ngulit në kosh.
D’Angelo Russell e Anthony Davis shënuan nga 27 pikë, ndërsa qendra shtoi edhe 10 kërcime. Lakers i dhanë fund një serie prej 11 humbjesh radhazi kundër rivalit të tyre të qytetit.
Në anën tjetër, Kawhi Leonard ishte i shkëlqyer me 38 pikë, ndërsa Paul George shtoi 35 sosh.
