Kryetari i zgjedhur i Zubin Potokut, Izmir Zeqiri ka folur për zgjedhjet e fundit ku doli fitues.
Ai ka thënë se ishte i bindur që do të fitonte.
“Kam qenë i bindur se do të fitoj sepse gati të gjithë këtu më njohin, edhe në veprimtari, edhe në punë, kështu që kam qenë i bindur që do të dalë fitues”, ka thënë Zeqiri.
Sa i përket përbërjes së kabinetit të tj, ka thënë se është shumë i hapur për kuadrot nga komuniteti serb dhe se është i gatshëm që deri në 80 % të kabinetit ta përbëjnë drejtorët e komunitetit serb.
“E kam menduar, por jo përgatitur akoma. Jemi duke u përgatitur. Do ta shohim. Unë do të jem i hapur specifikisht për serbët shumicë nëse ka profesionistë, qytetarë të cilët e respektojnë ligjin, dojnë të punojnë në shtetin e tyre, për qytetarin e këtij vendi. Ata janë të mirëseardhur në kabinetin tim dhe bukur mirë do të thoja deri në 80 % ka mundësi që të fus kuadro serbe kryesisht, në drejtimin e dikastereve të Zubin Potokut”, ka thënë Zeqiri në Ditari në Tëvë 1.
Në zgjedhjet e së dielës në Komunën e Zubin Potokut fitues ka dalur Izmir Zeqiri nga Partia Demokratike e Kosovës me 197 vota apo 52.2%. Kurse, kundërkandidati i tij nga Vetëvendosja, Flakron Hasani ka marrë 180 vota apo 47.7%
