Sipas saj, gjendja në shëndetësi është alarmante, ku edhe pacientët me kancer po detyrohen të shkojnë jashtë shtetit për të marrë shërbimet diagnostiko në mungesë të menaxhimit të shëndetësisë në Kosovë.
“Në fushatë zgjedhore pushteti përsëriste: ne kemi spitale publike, ata kanë spitale private. Këto i keni harruar tashmë dhe një gjë të tillë e dëshmoi më së miri presidentja e vendit.
Qytetarët çdo ditë po varfërohen nga kriza ekonomike, edhe nga shëndetësia, sepse qytetarët çdo ditë shpenzojnë për trajtim mjekësor, këto shpenzime rriten sepse pacientët detyrohen të shkojnë nëpër spitale private”, tha ajo.
Zejnullahu tha se përgjegjësia është e kryeministrit Kurti.
Zejnullahu tha se me buxhetin e vitit të ardhshëm janë ndarë 164 milion euro më shumë për paga e mëditje se sa vitin e kaluar, derisa tha se për shëndetësinë janë ndarë rreth 3 për qind e bruto produktit vendor.
