E këtë Xani e tha duke komentuar konferencën e djeshme në të cilën Vuçiq është shprehur se Serbia do të përballet me pasoja të rënda, nëse nuk bie dakord me propozimin evropian për normalizimin e marrëdhënieve me Kosovën.
“Vuçiq është dorëzuar para presionit ndërkombëtar dhe në këtë dorëzim më e vështirë do bëhej në qoftë se pesë vendet e BE-së do kishin mbështetjen edhe në Kosovë. Prandaj, kështu do ishte gati për çdo marrëveshje dhe propozim që do vinte në Kosovë si propozim, e aq më shumë kompromise të cilat Kosova i ka pranuar”, deklaroi Xani në emisionin “Këndi i Debatit” në Tëvë1.
Madje sipas Xanit, bashkëpunimi me ata aleatë të cilët e kanë mbështetur në vazhdimësi Kosovën, nuk është kohë e humbur dhe nuk është moment për të cilin duhet të diskutohet.
“Ne realisht mund ta lehtësojmë këtë proces duke u treguar më konstruktiv”, tha më tej Xani në Tëvë1.
Njëherit, ai tregoi edhe disa arsye pse më herët nuk e ka kundërshtuar themelimin e asociacionit.
“Unë në kohën kur nuk e kam kundërshtuar themelimin e asociacionit, ka qenë arsye për shkak që deri te arritja e kësaj marrëveshje është analizuar pikë për pikë në bashkëpunim me amerikanët dhe Plani i Ahtisarit është total marrëveshje për asociacionin”, u shpreh Xani./teve1.info/.
