Madje ai theksoi se Kosova në vazhdimësi po humb energji për të kundërshtuar procese të cilat më vonë i aprovon.
“Problemi është që ne në vazhdimësi po humbim energji duke kundërshtuar proceset të cilat nuk mund t’i ndalojmë. Edhe nga praktika në të kaluarën një çështje e cila na është kërkuar nga ShBA-të dhe fuqitë kryesore brenda Bashkimit Evropian, nuk kemi pasur mundësi të mos i aprovojmë ashtu siç është kërkuar. Dhe atëherë kur i kemi pranuar pikërisht kërkesat e miqve tanë ndërkombëtarë në njëfarë mënyre kompensimi apo shpërblim i premtuar, fillimisht nuk na është dhënë për shkak se është bërë kompromis i vonshëm dhe kemi pasur ndëshkime politike”, tha ai.
I ftuar në emisionin “Këndi i Debatit”, Xani tha se nuk do të ketë biseda për njohje mes dy vendeve Kosovë – Serbi, pa u përmbyllur çështja e Asociacionit.
“Një gjë e tillë mund ta pres Kosovën në të ardhmen nëse vazhdon që të kundërshtojë fuqishëm këtë proces, mos ta përmbyll çështjen e asociacionit mbase mund të kemi përsëri ndonjë krizë. Kam përshtypjen që nuk do të ketë ulje në tryezën e bisedimeve për çështje madhore siç është njohja e ndërsjelltë pa u përmbyllur çështja e Asociacionit”, shtoi tutje ai./teve1.info./
