Sipas njoftimit në Facebook, liqeni po pastrohet nga vullnetarët e disa organizatave të cilave iu kanë bashkuar edhe punonjësit e KRU “Prishtina”.
KRU Prishtina i furnizon me ujë të pijes 8 komuna dhe përreth dhe Vushtrrinë pjesërisht.
“Sot, në kohë me shi, kur na duhet më shumë se asnjëherë, me dhjetëra vullnetarë po pastrojnë liqenin e Badocit nga mbeturinat.
Ky aksion u organizua nga GIZ Kosova, Zyra e BE-së në Kosovë dhe Asociacioni PAMKOS.
Këtij aksioni iu bashkuan edhe punonjës të KRU” Prishtina” sh.a. dhe qytetarë të shumtë.
Ua kujtojmë se, liqeni i Badocit ka rënë mbi 9 metra nën nivelin maksimal të kapërderdhjes.
Ruajtja dhe mbrojtja e burimeve të ujit, e domosdoshme për jetë të shëndetshme!
Faleminderit secilit pjesëmarrës!
Faleminderit Bashkimit Evropian, GIZ Kosova dhe secilit kontribuues të këtij akcioni të shkëlqyeshëm!”, thuhet në njoftimin e KRU Prishtinës.
