Vuçiqi është takuar me përfaqësuesit serbë, pasi kryeministri i Kosovës, Albin Kurti ka shtyrë për 48 orë zbatimin e fazës së dytë të vendimit për targat ilegale. Kjo me kërkesë të SHBA-së.
Përmes një video-postimi në Instagram, Vuçiq ka thënë se u ka kërkuar serbëve që ta ruajnë paqen dhe stabilitetin.
“Ne jemi me serbët tanë nga Kosova. Ne vetëm kërkuam që të jenë të kujdesshëm, të jenë të qetë, të ruajnë paqen dhe stabilitetin, t’i përgjigjen arrogancës së të tjerëve ashtu siç përgjigjen gjithmonë njerëzit e denjë. Ne vetëm duam të mbrojmë veten dhe asgjë më shumë”, tha ai.
Nga 21 prilli nuk mund të lejohen targa të tjera në Republikën e Kosovës. /teve1.info/
