Vuçiq ka thënë pas takimit me emisarët ndërkombëtarë se në ditët dhe javët në vijim do të mbajë konsultime me qeverinë, parlamentin dhe grupet tjera të rëndësishme për konceptin evropian për dialogun Kosovë – Serbi, duke thënë se janë gati të pranojnë konceptin dhe të punojnë për zbatimin e marrëveshjes së propozuar.
Megjithatë ai ka theksuar se në takim ka shprehur rezerva për një nga pikat e rëndësishme.
“Sigurisht që s’mund të flas për të sepse propozimi s’është publik”, ka thënë Vuçiq.
