Përmes një statusi në Facebook, Çitaku ka shkruar se i merr me rezervë deklarimet e Beogradit, mirëpo ka thënë se e shqetëson heshtja e Ministrisë së Punëve të Jashtme.
“Nga përvoja, gjithmonë duhet marrë me rezervë deklaratat nga Beogradi. Në raport me Kosovën ata vazhdimisht synojnë të krijojnë mjegull dhe huti. Çka thonë eksponentët në Beograd nuk e trajtoj kurrë si të mirëqenë. E di çka kanë thanë për mua dhjetëra herë. Vec alien nuk më patën bërë.
Mirëpo ajo që më shqetëson është heshtja e Ministrisë së Punëve të Jashtme. Sigurisht unë e kuptoj natyrën e punës dhe diskrecionin që ndonjëherë ta imponon diplomacia. Po një përgjigje duhet dhënë”, ka shkruar Çitaku.
Vuçiq ka deklaruar se ka arritur t’i bind nëntë shtete të ndryshme që e kishin njohur Kosovën shtet, t’i tërheqin njohjet e tyre.
Ndërkohë rreth këtyre pretendimeve të Vuçiqit nuk është deklaruar askush nga Qeveria e Republikës së Kosovës.
