Osmani përmes një postimi në Facebook, ka publikuar disa fotografi nga takimi teksa është shprehur e lumtur që është pritur në Selinë e Shenjtë, transmeton teve1.info
Presidentja Osmani, ka bërë të ditur se ka falënderuar “Atin e Shenjtë” për kujdesin që ka treguar ndaj Kosovës, dhe për vendimn e tij para pesë vjetëve që Administratën Apostolike ta ngrinte në nivel të dioqezës.
“Papën e njoftova me vendosmërinë tonë për ta kultivuar e promovuar më tej paqen, harmoninë dhe bashkëjetesën ndërmjet njerëzve, si vlera të popullit tonë, mbi të cilat janë kultivuar e ruajtur prej afro dymijë vjetësh edhe raportet tona me Selinë e Shenjtë. Në mënyrë të veçantë e falënderova Atin e Shenjtë për kujdesin që ai po tregon ndaj Kosovës dhe e falënderova për vendimin e tij të para pesë vjetëve, që Administratën Apostolike ta ngrinte në nivel të dioqezës. Ishte kënaqësi e veçantë po ashtu që të shkëmbeja me të pikëpamjet mbi orientimin euroatlantik të Kosovës dhe progresin e vendit tonë drejt këtij synimi”, ka shkruar Osmani.
Tutje Osmani, theksoi se thëllimi i raporteve me Vatikanin dhe zgjerimi i bashkëpunimin në shumë fusha janë orientim i përbashkët.
“Synimi i Kosovës për njohje nga Vatikani kontribuon në këtë drejtim dhe në avancimin e mëtejmë të raporteve tona shekullore”, shtoi ajo./teve1.info
