Pajazitaj në një lidhje direkte në Tëvë1, tha se si familje janë të kënaqur me vendimin, por pritshmëritë e tyre kanë qenë më të mëdha, teksa thotë se duan ta dinë arsyen kush e ka shtyrë Naser Pajazitajn ta kryej vrasjen.
“Ky vendim ka qenë shumë banal për neve, edhe pse si familje jemi të kënaqur me këtë vendim por pritshmëritë kanë qenë shumë më të mëdha. Ka qenë e domosdoshme për neve me dit arsyen pse e ka shty atë me bë këtë dhe kush ka mundur me qenë, këto dy arsye me duket se duan të mbesin mister. Pritshmëria ka qenë më e madhe. Kjo Gjykatë po bien kundërshtim me vendimet e veta”, ka deklaruar ai.
Vëllai i Donjetës, thekson se do të bisedojë me Prokurorinë dhe do të bëjë ankesë për dënim më të lartë për Naser Pajazitajn.
“Ne avokat nuk kemi, Prokuroria ka thënë se do na përfaqësojnë si avokat dhe si prokurorë. Javën e ardhshme do të shkoj të bisedoj edhe me Prokurorinë. Besoj se në bisedën me të kemi me rënë dakord për ankesë për dënim më të lartë”, tha Shkelqim Pajazitaj.
Sipas tij, vetëm ka nisur të zbehet besimi në sistemin e drejtësisë. /Teve1.info/
